پيشبينى ئه‌وه ئه‌كريه‌ێد به‌رهه‌م ساڵح پۆست سه‌رۆك ئه‌نجومه‌ن وه‌زيره‌يل وه‌ربگرێد
شه‌فه‌ق نيوز/ ئه‌ندامه‌يليگ پيشبينى ئه‌وه ئه‌كه‌ن به‌رهه‌م ساڵح سه‌رۆك كۆمار ئه‌رك سه‌رۆكايه‌تى وه‌زيره‌يل بگرێده ده‌س شان وه‌شان وه‌زيفه بنه‌ڕه‌تيه‌گه‌ى خوه‌ى دوياى كووتاييهان ماوه ده‌ستووريه‌گه ك ته‌رخان كرياگه ئه‌را راسپاردن كه‌سيگ دياريكرياێ له‌وه‌ر وه‌رگرتن ئه‌رك سه‌رۆكايه‌تى وه‌زيره‌يل وه‌بى ره‌سين ئه‌را چاره‌سه‌ر.
له‌ى باوه‌ته‌و، عه‌باس سه‌يد سروت ئه‌ندام ئه‌نجومه‌ن نوێنه‌ره‌يل له لێدوانيگ ك له‌لايه‌ن رووژنامه‌ى ئه‌لسباح نيمچه فه‌رمييه‌و بڵاو كريا، وت: تائيسه هويچ چشتيگ له مه‌يدان سياسى نيه‌و ئه‌وه‌گ وجوود ديرێد ته‌نيا قسه‌وباس راگه‌ياندنه له‌باره‌ى كانديدكردن كه‌سايه‌تييگ ئه‌را وه‌رگرتن پۆست سه‌رۆكايه‌تى وه‌زيره‌يل دوياى ده‌س له‌كاركيشانه‌وه‌ى عادل عه‌بدولمه‌هدى له پۆسته‌گه‌ێ.
سروت هه‌ميش وت: حاڵ حازر خه‌ر كه‌سايه‌تييگ كانديد بكريه‌ێد ناڕه‌زايى له‌بانى نيشان ئه‌دريه‌ێد چ له فراكسيۆنه‌يل سياسى يا له‌لايه‌ن خوه‌ينيشانده‌ره‌يله‌و، يه‌يش له‌يوا ئه‌كا كانديد نه‌كريه‌ێد و ئاڵشتى وه كه‌شيگ تر بكريه‌ێد.
جى باسه، سروت پيشبينى يه‌يش ئه‌كا سه‌رۆك كومار ئه‌رك سه‌رۆكايه‌تى وه‌زيره‌يل وه‌ربگرێد جيا له ئه‌ركه‌گه‌ى خوه‌ى له‌وه‌خت كووتاييهاتن ماوه ده‌ستووريه‌گه.
