هيزه‌يل ئه‌منى بۆمب ئه‌را چويچانن مانگرتن خوه‌ندكاره‌يل له به‌غدا ئه‌يه‌رێده كار
2019-10-28 08:42:40
شه‌فه‌ق نيوز/ كۆمسيۆن باڵاى سه‌روه‌خوه‌ى ئه‌را مافه‌يل ئاده‌ميزاد له عراق، باس له چويچانن مانگرتن خوه‌ندكاره‌يل زانكۆ كرد له به‌غداى پايته‌خت.
له‌و باوه‌ته‌و، عه‌لى به‌ياتى ئه‌ندام كۆمسيۆن له به‌ياننامه‌يگ وت: هيزه‌يل دژه ئاژاوه له به‌غدا گه‌مارۆ زانكۆى دجله‌و زانكۆى فه‌راهيدى دانه‌و بۆمب ده‌نگى هاوردنه‌سه كار ئه‌را چويچانن خوه‌ندكاره‌يل.
جى باسه، سه‌ربار وشداريه‌يل حكومه‌ت عراقى و وه‌زاره‌ت په‌روه‌رده, خوه‌ندكاره‌يل شماره‌يگ له خوه‌ندنگايه‌يل له شاره‌يل عراقى ئه‌را دويه‌م رووژه له رێپێوان وه‌رده‌وامن له‌وه‌ر پشتگيرى له خوه‌ينيشانداينه‌يل.
