شەفەق نیوز/ فەرمانگەی تەندروسی دیالە ئمڕوو یەکشەممە، لە مردن گەنجیگ خه‌وه‌ردا ک گومان كریه‌یگ تویش ڤاێڕۆس کۆڕۆنا هاتوید، ودیاریش کرد کە مردگەگە قەوم ئه‌و پیاوە پیرەس ک وەکۆڕۆنا لە ناحیەی بەنی سەعەد مرد.
فاریس خزەیر وەڕیەوبەر راگەیانن تەندروسی ئەرا شەفەق نیوز وت: هیمان تەرم گەنجەگە هالامان، ونەیامنەسەی دەس خاوەن، تا دویای دەرجگن ئامانج لێکۆڵینەوەگان ک رەوانەی بەغداد کریاس.
دیالە وەرجە زیاتر له‌ مانگیگ بەتاڵبوین پاریزگاگە لە کۆڕۆنا راگەیان، و دویای چەن ساعەتیگ لە راگەیاننەگە پیریگ وە کۆڕۆنا له‌ باشوور پارێزگاگە مرد.
پارێزگای لە ماوەی هەفتەیل وەرین ١٨ تویشهاتگ مسۆگەر وە وڤاێڕۆس کۆڕۆنا تۆمار کرد، ١٥ لەلیان خاسەوبوین، و ٣ كه‌س لەلیان مردن.