كاره‌با: چه‌ن ناوچه‌يگ ئه‌را ماوه‌ى دو رووژ كاره‌بايان كه‌م ئه‌دێ
2019-07-26 18:11:14
شه‌فه‌ق نيوز/ وه‌زاره‌ت كاره‌با، باس له‌وه كرد چه‌ن ناوچه‌يگ ئه‌را ماوه‌ى دو رووژ وه‌پيداين وه‌زه‌ى كاره‌با وه‌پيان كه‌مه‌و ئه‌دێ.
وه‌زاره‌ته‌گه له به‌ياننامه‌يگ ئه‌را شه‌فه‌ق نيوز وت: كيشه له لويله‌ى غاز نيشتمانى روێداگه ك وه‌زه‌ى كاره‌باى چه‌ن پاريزگايه‌يگ پڕه‌وه ئه‌كا له فورات ناوڕاس و به‌غدا، ك يه‌يش ئه‌دێده هووكار ئه‌وه‌گ ئه‌وسيستم نيشتمانيه بڕ 850 ميگاوات له‌ده‌س بيه‌ێد.
وه‌زاره‌ته‌گه هه‌ميش وت: ئه‌و كيشه له‌و سيستم نيشتمانيه ئه‌دێده هووكار ئه‌وه‌گ وه‌پيدان كاره‌با وه هاووڵاتيان له ماوه‌ى دو رووژ ئاينده له بريگ ناوچه‌ى فورات ناوڕاس و به‌غدا كه‌مه‌و بدێ و باس له‌وه‌يش كرد ك وه‌ل وه‌زاره‌ت نه‌فت په‌يوه‌ندى كرياگه ئه‌را خاسه‌وكردن ئه‌وه كيشه له‌و سيستمه.
