سه‌ربازه‌يل ئه‌مريكا وه‌رده‌وامن له هانداين هووزه‌يل سنی ئه‌را جه‌نگ دژ داعش
2015-07-03 10:51:09
وه‌رپرسه‌يل سه‌ربازی ئه‌مريكی ئه‌وه ده‌رخستن ك وه‌جبه‌ی يه‌كه‌م خه‌ريكه ٥٠٠ له پياوه‌يل سنی چه‌كدار ئه‌كريه‌يد وه‌خاتر ته‌مامكردن مه‌شقه‌يليان له بنگه‌ی ئه‌لته‌قه‌دوم له نزيك شار رومادی وه‌خاتر ری وازكردن له‌وه‌رده‌م وه‌جبه‌ی دويه‌م.
وه‌رپرسه‌يل ئه‌مريكی ئاماژه وه‌يه‌يش كردن ك حاڵ حازر نزيكه‌ی ٤٠٠ سه‌رباز ئه‌مريكی له بنگه‌ی ئه‌لته‌قه‌دوم وجوود ديرن و وه‌رده‌وامن له په‌يوه‌نديه‌يليان وه‌ل سه‌رۆك هووزه‌يل سنی، وه‌لی راسه‌وخۆ به‌شداری ناكه‌ن له مه‌شقداين هيزه‌يل و يه‌كيگ له ئامانجه‌يليان ئه‌وه‌سه هان هووزه‌يل سنی بيه‌ن ئه‌را به‌شداريكردن له جه‌نگ دژ داعش.
ج . أ
