رافده‌ين به‌ياننامه‌يگ له‌باره‌ى كارمه‌نده‌يل وه‌زاره‌ت ناوخوه‌يى ده‌ركرد
2020-02-22 09:21:10
شه‌فه‌ق نيوز/ بانك رافده‌ين ئاشكراى دابه‌شكردن وه‌جبه‌ى يه‌كه‌م له ماسته‌ر كارد ناوده‌وڵه‌تى كرد له‌بان كارمه‌نده‌يل وه‌زاره‌ت ناوخوه‌يى.
له‌ى باوه‌ته‌و، نويسينگه‌ى ره‌سانن بانك رافده‌ين له به‌ياننامه‌يگ ئه‌را شه‌فه‌ق نيوز وت: وه‌جبه‌ى يه‌كه‌م له پتاقه‌ى ماسته‌ر كارد له‌بان كارمه‌نده‌يل وه‌زاره‌ت ناوه‌خوه‌يى دابه‌ش كردگه ئه‌را ئه‌وانه‌گ مووچه‌يليان جيگيره له‌لاى بانكه‌گه.
جى باسه، به‌ياننامه‌گه يه‌يش ده‌رخست، دابه‌شكردنه‌گه شماره‌يگ له دام و ده‌زگا و وه‌ڕيه‌وبه‌رايه‌تيه‌يل سه‌ر وه زاره‌ته‌گه ئه‌گرێده‌و، ئاماژه وه‌يه‌يش كرد بانكه‌گه ده‌س ئه‌كاده له‌وه‌رگرتن رێ وشوون ئه‌را مه‌سه‌له‌ى دابه‌شكردن وه‌جبه‌يل تر ماسته‌ر كارد له ماوه‌ى ئى هه‌فته.
