له‌ى باوه‌ته‌و چه‌وديرى عراقى ئه‌را ئازاديه‌يل رووژنامه‌نويسى ك(شه‌فه‌ق نيوز)ئاگادارى بوى ئه‌وه‌ ده‌رخست ك زه‌ينه‌ب جه‌بار ئه‌لساعدى ك نيشته‌جى ديم رسافه‌س له‌ به‌غداو ته‌نيا كوڕيگ ديريد له‌لايه‌ن چه‌ن كه‌سيگه‌و له‌ نزيگ ماڵه‌گه‌ى خوه‌ى ده‌سدريژى كرياسه‌ بانى و ده‌مچه‌وى له‌كه‌دار كردنه‌و له‌ئاكام ئه‌و كاريشه‌ جيواز كرياگه‌ ئه‌را نه‌خوه‌شخانه‌يگ له‌ به‌غدا.

جى باسه‌، زه‌ينه‌ب ئه‌لساعدى ئه‌ندامه‌ له‌ سه‌نديكاى رووژنامه‌نويسه‌يل عراقى و چالاكوانيگ مه‌ده‌نيه‌و له‌ چه‌ن رووژنامه‌يگ ناوچه‌يى كار كردگه‌و هاوسه‌ره‌گه‌يشى محه‌مه‌د هارون ك ئه‌ميندار سڕ سه‌نديكاى ناوبرياگ بوى له‌ وه‌رجه‌ چه‌ن ساڵيگ كوشيا.