حەشد شەعبی ئەمیرەیل و سەکەردەیلیگ داعش لە کەرکوک دەسگیرکرد
شەفەق نیوز/ حەشد شەعبی، ئمڕوو شەممە، لە دەسوەسەر کردن ئەمیرەیلیگ و سەرکردەیلیگ لە ریخریاگ داعش لە کەرکوک راگەیان.
ئەبو رزا نەجار بەرپرس محوه‌ر حەشد باکوور، لە کۆنگرەیگ روژنامەوانی وه‌ل ئامر لیوای ١٦ لە حەشد، ك شەفەق نیور ئاماده‌ی بوی، وت؛ بڕیگ لە ئەمیرەیل و سەرکردەیل لە داعش ده‌سوه‌سه‌رکردیمن لە کەرکوک.
وتیش؛ چەکەیل داعش لە ماوەیل دویاییە فره‌تر بیه، و هەژمار چه‌كداره‌یلیان یان لە دەور پارێزگای کەرکوک و پارێزگای نەینەوا فرەوە بویە، وئی کارە دی نەشاریاسەو ك داعشەیل لە لاینەیلیگ پشتگیری کریانە،.
نەجار هەمیش وت؛ بەڵکم وەل ئەوەیشەو داعشەیل نێەتویەنن و هێز نەیرن تا کۆنتڕۆڵ ئەو پارێزگایلە بکەن، و حەشد شەعبی وەرانوەریان گرێد.
نەجار ئاماژەدا ک حەشد شەعبی هەمیشە خەوەردارو و ئامادەس و داعش گیردەێد و کوشید.
خزەیر مەتروحی ئامر لیوای ٢١حەشد شەعبی له‌ی باوه‌ته‌و ئەرا شەفەق نیوز وت؛ هێزەیل لیواگە لە ناوچەیل مەیدان و حمێزە و سەلانجە وه مووشه‌ك په‌لامار حه‌شارگه‌یل داعش و ویرانیان كردن و بڕیگ لە تیرۆرستەیل کوشیان ك وەبونی ویران بوین تەواوەتی حه‌شارگه‌یلیان هەژمار نەکریان.
مەتروحی دووپاتیش کرد ك وەردەوامبوین له مینه‌ی حه‌شارگایه‌یل داعش، و کەمینەیل شەوانە و دەوریەگان لە گشت ناوچەیل ئۆپراسیۆنەگە لە خوەرهەڵات سەلاحەدین خڕ خوه‌ن. دیاریش کرد ک گشت پەلامارەیل داعش له ناكاوو شاریایه ك و ماتور جیوەجیان کەن ودویای ئەوە لە چاڵەیل خوەیان شارنەو.
