حكومه‌ت عراقى له‌باره‌ى جيوازكردن خيزانه‌يل داعش ئه‌را نه‌ينه‌وا ئاشكراكردنيگ دا
شه‌فه‌ق نيوز/ وه‌زاره‌ت كووچ و كووچبه‌ره‌يل ئه‌و هه‌واڵه‌يله ره‌ته‌و كرد ك له‌لايه‌ن يه‌كيگ له ئه‌ندامه‌يل له‌بان پاريزگاى نه‌ينه‌وا بڵاو كريا له‌باره‌ى جيوازكردن خيزانه‌يل ريخرياگ داعش له كه‌مپ ئه‌لهۆل له سورياوه ئه‌را كه‌مپ 4 له نه‌ينه‌وا.
له‌و باوه‌ته‌و، جاسم عه‌تييه بريكار وه‌زاره‌ته‌گه له به‌ياننامه‌يگ وت: ئه‌وه‌گ ئه‌و ئه‌ندامه باس له‌لى كردگه له‌باره‌ى ته‌واوكردن رێ وشوونه‌يل مه‌سه‌له‌ى جيوازكردن خيزانه‌يل له كه‌مپ ئه‌لهۆل له سورياوه ئه‌را كه‌مپ 4 له نه‌ينه‌وا دويره له‌ڕاسى.
جى باسه، عه‌تييه هه‌ميش وت: ئيمه له‌لايه‌ن حكومه‌ت و ده‌زگايه‌يل ئه‌منييش هويچ زانيارييگ له‌ى باوه‌ته‌و وه‌رنه‌گرتيمنه‌و ئه‌وه‌گ روێداگه هه‌ر خيزانيگ جيواز بكريه‌ێد دقه‌ت ته‌واويگ له‌ليان ئه‌كريه‌ێد له‌وه‌ر ئه‌وه‌گ جيا بكريه‌نه‌و له خيزانه‌يل داعش.
