شه‌فه‌ق نيوز/ ريكخرياگ ته‌ندروستى جه‌هانى، ئاشكراى ئه‌وه‌ كرد وه‌رده‌وام حاڵه‌ته‌يل تويشبوين وه‌ ڤايرۆس كۆرۆنا له‌ عراق ئاشكراتره‌و ئه‌دێ دوياى نيمه‌ى مانگ ره‌مه‌زان.

له‌و باوه‌ته‌و، ئه‌دهه‌م ئسماعيل نوێنه‌ر ريكخريايه‌گه‌ ئه‌را شه‌فه‌ق نيوز وت: رێ وشوونه‌يل وه‌زاره‌ت ته‌ندروستى عراقى ته‌واوه‌ وه‌ل رێ وشوونه‌يل ريكخرياگ ته‌ندروستى جه‌هانى ئه‌را روێ وه‌ڕوێ بوينه‌وه‌ى ڤايرۆس كۆرۆنا له‌ عراق و جه‌هان.

باس له‌وه‌يش كرد وه‌رده‌وام داوه‌زين تويشبوين وه‌ كۆرۆنا له‌ ڕاده‌ى خواستيگ نيه‌، وه‌تايبه‌ت ك سه‌رپيچى ئاشكرايگ هه‌س له‌ بڕيار قه‌يه‌غه‌ى هاتوچوو له‌لايه‌ن هاووڵاتيه‌يله‌وه‌و گووش وه‌ رينمايه‌يل وه‌زاره‌ت ته‌ندروستى نايه‌ن.

ئسماعيل هه‌ميش وت: لاوردن نيمچه‌يى وه‌ گوورى قوناغه‌يل و پلانه‌يل و شيه‌وكردن وه‌زعه‌گه‌ ئه‌ياد له‌لايه‌ن ليژنه‌يل باڵا، ك يه‌يش دوياى نيمه‌ى مانگ ره‌مه‌زان ئاشكراتره‌و ئه‌دێ و بايه‌سه‌ هاوولاتيه‌يل ئاگادار ئى مه‌سه‌له‌ بوون.