"به‌شكردن وه‌زاره‌ت"يل هاوپه‌يمانيه‌گه‌ى عه‌بادى چويچان
شه‌فه‌ق نيوز/ سه‌ركرده‌يگ له هاوپه‌يمانى نه‌سر وه سه‌رۆكايه‌تى حه‌يده‌ر عه‌بادى سه‌رۆك حكومه‌ت وه‌رين، ئاشكراى چويچيان هاوپه‌يمانيه‌گه كرد وه‌شيوه‌يگ نيمچه فه‌رمى له ئه‌نجام ناكووكى له‌باره‌ى به‌شكردن وه‌زاره‌ته‌يل له حكومه‌ت تازه وه سه‌رۆكايه‌تى مسته‌فا كازمى.
ئه‌و سه‌ركرده ك نه‌تواس ناو خوه‌ى ئاشكرا بكا، ئه‌را شه‌فه‌ق نيوز وت: ريككه‌فتن سياسى له‌بان دابه‌شكردن وه‌زاره‌ته‌يل له حكومه‌ت تازه، ئه‌را هه‌ر په‌نج كورسييگ نوێنه‌رايه‌تى وه‌زاره‌تيگه‌و له‌باره‌ى شيواز كويه‌ن دابه‌ش ئه‌كريه‌ێد.
سه‌ركرده‌گه باس له‌وه‌يش كرد حه‌يده‌ر عه‌بادى سه‌رۆك هاوپه‌يمانى نه‌سر وه‌ل ئه‌وانه‌گ مه‌نده‌سه‌و ناتويه‌نن ته‌نيا پۆستيگ وه‌زارييش وه‌ده‌س بارێد، باس له‌وه‌يش كرد هه‌ر يه‌ك له عه‌دنان زورفى و فالح فه‌ياز وه‌ل ئه‌ندامه‌يليان و فراكسيۆن نه‌هج نيشتمانى(فه‌زيله) وه‌شيوه‌يگ نيمچه فه‌رمى له هاوپه‌يمانيه‌گه ده‌رچينه وه‌ل ئه‌ندامه‌يليگ تر سه‌روه‌خوه‌ى له‌وانه‌يش نه‌دا شاكر جه‌وده‌ت.
جى باسه، هاوپه‌يمانى نه‌سر 42 كورسى ديريد له په‌رله‌مان و له پله‌ى سێيه‌م هات له‌و هه‌ڵوژاردنه‌يله ك له‌ساڵ 2018 ئه‌نجام دريا له دوياى فه‌تح و سائيرون.
