باسم كه‌مال ئه‌لحه‌سه‌نى وه‌ڕيه‌وبه‌ر گشتى بانك ناوبرياگ له‌ به‌ياننامه‌يگ رووژنامه‌گه‌رى ك(شه‌فه‌ق نيوز)ئاگادارى بوى، وت: بانك رافده‌ين ته‌كنيك پيشكه‌فتگ هاورده‌سه‌ كار له‌ كاره‌گه‌ى وه‌و شيوه‌ ك بگونجيه‌يد وه‌ل هه‌ڵكه‌فت بانكى تازه‌ له‌ ده‌وڵه‌ته‌يل جه‌هان و هه‌ر وه‌و خاتريشه‌ گام خاسيگ وه‌ره‌و نوا ناگه‌ له‌ وه‌كارهاوردن كارت زيره‌ك ئه‌را خانه‌نيشنه‌يل و كارمه‌نده‌يل.

ئه‌لحه‌سه‌نى هه‌ميش وت: بانكه‌گه‌ وه‌خاتر داين مووچه‌ى كارمه‌نده‌يل و خانه‌نشينه‌يل كارت "كى كارت و ماسته‌ر كارت" ئه‌يه‌رێده‌ كار و خانه‌نشينه‌يليش له‌ هه‌ر وڵاتيگ له‌ جه‌هان ئه‌تويه‌نن له‌ڕى ئه‌و كارته‌و مووچه‌ى خوه‌يان وه‌ربگرن.