ئه‌بو مازن ئه‌را عه‌لاوى: چه‌وديرى جموجويلد ئه‌كه‌يم
شه‌فه‌ق نيوز/ ئه‌حمه‌دد عه‌بدوڵڵا عه‌بد(ئه‌بو مازن) سه‌ركرده له هاوپه‌يمان هێزه‌يل ره‌فتار و ريڕه‌وييه‌يل محه‌مه‌د ته‌وفيق عه‌لاوى ئه‌را دامه‌زرانن حكومه‌ت ئاينده ره‌ته‌و كرد و جه‌خت له‌وه‌يش كرد هه‌وڵه‌يل عه‌لاوى له‌باره‌ى داواكارى خوه‌ينيشانده‌ره‌يله‌و بايه‌سه له‌بان بنه‌ماى هاووڵاتيبوين و كه‌فائه‌ت عراقى بدێ وه‌ل ماف و وه‌رپرسيارێتى هاوبه‌شه‌يل له پرووسه‌ى سياسى
ئه‌بو مازن له به‌ياننامه‌يگ ئه‌را شه‌فه‌ق نيوز وت: عه‌لاوى رێ و واده‌ى هه‌ڵه‌يگ له‌وه‌ر گرت له هه‌وڵ دامه‌زرانن حكومه‌ن له‌بان پێوه‌ر مشتومڕانه‌يگ و جوور ئه‌وه‌گ گووشى له‌هه‌ناى داواكاريه‌يل جاده نه‌ژنه‌فێد.
جى باسه، ئه‌بو مازن هه‌ميش وت: ئه‌گه‌ر ئه‌رك حكومه‌ته‌گه‌ى عه‌لاوى ته‌نيا كاركردن بدێ له‌بان ئه‌نجامداين هه‌ڵوژاردنه‌يل پيشوه‌خته، ئه‌وه خاستر ئه‌وه‌سه له‌بان حكومه‌ته‌گه‌ى عه‌بدولمه‌هدى بمينێد ئه‌را ئدارى ئى ئه‌ركه و ئه‌وه‌يش بزانێد ك فراكسيۆنه‌يل سياسى چه‌وديرى ئه‌كه‌ن و هساو ئه‌را جموجويل عه‌لاوى ئه‌كه‌ن و قه‌بول وه هويچ مه‌رجه‌يليگ ناكه‌ن.
