چين ئاشكراى خاسه‌وبوين 87،9% تويشهاتگه‌يل وه ڤايرۆس كۆرۆنا كرد
2020-03-20 08:27:09
شه‌فه‌ق نيوز/ دويايين ئامار و شماره‌ى حاڵه‌ته‌يل خاسه‌وبوين فه‌رمى چين كريا، وه ئه‌وه‌گ 87،9% له‌جه‌م تويشهاتگه‌يل وه ڤايرۆس كۆرۆناى تازه له سه‌رانسه‌ر وڵاته‌گه خاسه‌و بوينه.
له‌ى باوه‌ته‌و، ده‌سه‌ڵاته‌يل ته‌ندروستى چينى ئه‌وه ده‌رخستن، شماره‌ى تويشهاتگه‌يل وه ڤايرۆس كۆرۆنا له‌وانه‌گ چاره‌سه‌ر وه‌رئه‌گرن له نه‌خوه‌شخانه‌يل ده‌يشت ناوچه‌ى هۆبى كه‌مه‌و بويه ئه‌را 282 حاڵه‌ت.
ده‌سه‌گه باس له‌وه‌يش كرد له ماوه‌ى 24 سه‌عات گوزه‌يشت هويچ حاڵه‌تيگ ناوچه‌يى تۆمار نه‌كرياگه، ته‌نيا 39 حاڵه‌ت نه‌دێ ك گشتيان له ده‌يشت وڵاته‌گه‌وه هاتنه و 3 حاڵه‌ت مردن تۆمار كرياگه وه‌ل خاسه‌وبوين 730 حاڵه‌ت وه ڤايرۆسه‌گه.
