شەفەق نیوز/ ئمڕوو سێ شه‌ممە، نرخ نەفت ئارام گرد دویای دانیشتنیگ نائارام لەئەنجام لەپڕکچوینیگ لەوەر چارەنووس رێککەفتنە بازرگانیەگە ناوبەین ئەمریکا و چین.
توقاننیگ لەناو بازاڕەگە بوی لەوەر کۆمێنتەیلیگ ناکاوی لەلایەن بیتەر ناڤاڕۆ راوێژکار کۆشک چەرمگ، وەختا وت؛ ئەو رێککەفتنە ک وزوور رەسیمنەپی، تەواوبوی، بەڵکم وه‌ختێگ دۆناڵد تڕامب سەرۆک ئەمریکی لەوەختیگ دویاین دوپات كرد ک رێککەفتنەگە هیمان هەسی، نیگەرانی مەردمەگە سەردەوکرد.
لە ساعەت ٠٥:٤٥ وە مەوقەی گرینیچ ، خام پەیمانەی جهانی برینت، ٢٦ سەنت داوەزی وەگورەی ٠،٦ لەسەد ئەرا ٤٢،٨٢ دۆلار ئەرا یەک بەرمیل، دویای داوەزیەنی لەوەختیگ وەرین ئەرا کەمترین ئاست لە دانیشتنەگە لەپای ٤٢،٢١ دۆلار ئەرا بەرمیلیگ، و خام ئەمریکی ٣٨ سەنت داوەزی وەگورەی ٠،٩ لەسەد دۆلار ئەرا بەرمیلیگ، دوایی داوزینی ئەرا ئاست خوارگی ک بویە ٣٩،٧٦ دۆلار.
پەیوەندیەگان ناوبەین ئەمریکا و چین رەسیە خوارترین ئاستەیلی لەساڵەیل گوزه‌یشته‌، دویای بڵاوبوین پەتای کۆڕۆنا ک لە وڵات چین دەسکردەپی و ئەمریکا وەجەختی، تڕامپ و وەڕیەوبردنەگەی دوارە تومەتبار پەکین کرد وە نائاشکرایی لەباوەت بڵاوبوینەگە.
وەناکاوەو نرخەگان داوەزین دویای ئەوە ک ناڤاڕۆ فۆکس لە چەوپیکەفتنیگ خەوەردا ک رێککەفتنە بازرگانیەگە کۆتایی ها ت ، و داوەزینەگە وەشیوەیگ نیمچەیی پەیوەندی داشت وه‌ ئەوە ک پەکین لەوەختیگ وەرین زەنگ مەترسی نەکوتاگە لەباوەت بڵاوبوین ڤایڕۆس کۆڕۆنا.
وەلی دویای بەیاننامەیگ دەرکرد لەناوی وت: ئەو باس کەم بڕوایی کردیاد لە وەڕیەوبردن وڵات چین، و قسەگانی لە مەبەست خوەی وەزوور هەڵکەنیا، و رێککەفتنەگە هیمان هەسەی.
لەوەختیگ وەرین لە دانیشتنەگە نرخەیل بەرزەوبوین، وەگەرد هاوردنەوەی چالاکیە ئابووریەگان لە بڕیگ لە ولایەتەیل ئەمریکا، و دەوڵەتەیل جهان، دویای رێکارەیل کەرەنتین گشتی ک پەیوەندی وە ڤایڕۆس کۆرۆنا دیرێد، ك بویە پاڵپشت وەرەوبان چگنەگەی لەوەر هاتنەوەی داواکاری لەبان سوتەمەنی. لە نیۆیۆرک جادەگان پڕەو بوین لەماشین ، وەگەرد دەرچگن زەرەدمەنترین شارەیل ئەمریکا لە کەرەنتینەگە، ک زیاتر لە ١٠٠ روژ کیشا.
وهەمیش نیگەرانی لە خوەرهەڵات ناوڕاس بویە پاڵپشتیگ ئەرا نرخ نەفتەگە.
تەلەفزیۆن سعودی باسکرد ک ئه‌و جه‌نگه‌ی سعودیە لە یەمەن سەرپەرشتیی کەێد لە وەختیگ زوینە لە روژ سێشەممە، نواگیر سێ مووشەک بالیستی گردگە ک حووسیه‌یل وەرەو نەجران و جازان وەشاننه‌ی .
لەو ماوە، کۆمپانیەیل وزەی ئەمریکا و کەنەدا بڕ سەکوەیل چاڵکەنین نەفت کارکەر کەمەو کردن ئەرا ئاست پەیمانەیی کەمیگ.
بانک ئۆف ئەمریکا جلوبال ریسیرش، پیشبینەگەی ئەرا نرخەیل نەفت ئەرا ئی ساڵە بەرزەوکرد، ک مەزەنەکرد ناوڕاس نرخ برینت بڕەسێدە ٤٣،٧٠ دۆلار ئەرا بەرمیلیگ لە ٢٠٢٠ جوور بەرزەوبوینیگ لە مەزەنەیگ وەرین لەپای ٣٧ دۆلار.
لە لایەنیگ هاوشان، ئاڵتوین روژ سێشەممە داوەزی، لەوەر پێشبینیەگان لە دەرچگن بەیاننامەیلیگ ئیجابی ئەرا کەرت پیشەسازی لە ناوچەی یۆڕۆ، وەلی مەترسیەگان لە شەپۆل دویەم لە تووشهاتنەیل ڤایڕۆس کۆرۆنا، ئاڵتوینەگە هیشتە نزیک لە بەرزترین ئاستەیلی لە وەرجە زیاتر لە مانگیگ.
ئاڵتوین لە مامەڵە کوتپڕەیلی ٠،١ داوەزی، ئەرا ١٧٥٢،٠٧ دۆلار ئەرا یەک ئۆنسە لە ساعەت ٠٥:١٣ وەمەوقەی گرینیتچ، دویای ئەوەگ بەرزترین ئاست تۆمار کرد لە ئایار لەپای ١٧٦،٨٤ روژ دووشەممە، ئاڵتوین هەمیش لە مامەڵە دویاخریایەگان لە ئەمریکا ٠،١ لەسەد داوەزی ئەرا ١٧٦،٨٠ دۆلار.
ئابووریەگان پێشبینە کەن ک خوەنستنە سەرەتایەگاییەگە ئەرا ئاماژەی وەڕیەوبەر سەنینەگان لە ناوچەی یۆرۆ بەرزەوبوود ئەرا ٤٢.٤ لە حوزەیران لە ٣١،٩ لە مانگ وەرین، وگەرد هاتنەوەی چالاکی بازرگانی لە دەوڵەتە ئۆڕوپیەگان وەشیەوەیگ پلەیی.