مه‌رگ كووتايى وه ژيان يه‌كه‌م دانه‌ر كۆمپيته‌ر هاورد
2017-04-22 09:31:00
شه‌فه‌ق نيوز/ هارى هاسكى، يه‌كيگ له‌و كه‌سه‌يل سه‌ر وه تيم فاميده‌يله بوى ك كۆمپيته‌ر "ئينياك" دروسكرد له ساڵه‌يل چل سه‌ده‌ى وه‌رين و ئيسه‌يش له ته‌مه‌ن 101 ساڵان ماڵئاوايى يه‌كجارى له دونيا كرد.
له‌ى باوه‌ته‌و، زانكۆى كاليفۆرتيا له سانتاكرۆز ئه‌وه ده‌رخست هاسكى ك مامۆستايگ فه‌خرى بويه له‌تى، له 9 ئبريل له ماڵه‌گه‌ى خوه‌ى له هه‌مان شار گيان له‌ده‌سداگه.
جى باسه، هاسكى چه‌ن پۆستيگ داشتگه‌و له‌وانه‌يش پۆست مامۆستاى بيركارى له زانكۆى بنسلفانيا له ساڵه‌يل چل سه‌ده‌ى وه‌رين له‌وه‌ختيگ ك چيه ناو تيم دروسكردن ئينياك و دوياى ئه‌وه‌يش له‌ناونى ساڵه‌يل 1954 تا 1968 ده‌رس له زانكۆى كاليفۆرنيا داگه تاوه‌ختيگ خانه‌نشين بويه له ته‌مه‌ن 70 ساڵان.
