شه‌فه‌ق نيوز/ فره‌نسا خوازياره‌ 295 مليار يۆرۆ ئه‌را بودجه‌ى وه‌رگرى ساڵه‌يل ئاينده‌ى(2019 – 20125)ترخان بكا وه‌ ئامانج به‌رزه‌وكردن نه‌فه‌قه‌ێ سه‌ربازى وڵاته‌گه‌ تا بڕه‌سێده‌ 2% له‌ جه‌م ئاكام ناوچه‌يى له‌ 2025، ئه‌ويش وه‌ گووره‌ى پرووژه‌ ياسايگ ك له‌لايه‌ن ئه‌نجومه‌ن وه‌زيره‌يل وڵاته‌گه‌وه‌ شيه‌و ئه‌كريه‌ێد.

وه‌ گووره‌ى پرووژه‌ ياساى تازه‌ ك له‌لايه‌ن وزاره‌ت وه‌رگرى فره‌نسيه‌و دانرياگه‌، ئه‌وه‌ ده‌ركفت ك بودجه‌ى وه‌رگرى فره‌نسى ك ره‌سيه‌سه‌ بڕ 34,2 مليار يۆرۆ له‌ساڵ 2018، ساڵانه‌ زياێ ئه‌كريه‌ێد تا ساڵ 2022 وه‌ بڕ 1,7 مليار يۆرۆ و دوياى ئه‌وه‌يش تا ساڵ 2015 زياێ ئه‌كريه‌ێد.

جى باسه‌، وه‌ گووره‌ى سه‌رچه‌وه‌يگيش نزيك له‌ فلۆرانس بارلى وه‌زير وه‌رگرى فره‌نسى، باس له‌وه‌ كريا ك ياسايه‌يل سه‌ربازى وه‌رين داوا له‌ سوپا كردياد هه‌وڵ زياتر بيه‌ێد ئه‌را وه‌ده‌سهاوردن دارايى زياتر وه‌خاتر تازه‌كردنه‌وه‌ى سوپا.