شه‌فه‌ق نيوز/ عادل ئه‌لجوبه‌ير وه‌زير خارجيه‌ێ سعوديه‌ باس له‌وه‌ كرد ك وڵاته‌گه‌ێ خه‌ريك ئاماده‌كردن بڕيگ شكايه‌ته‌ له‌ دژ قه‌ته‌ر و له‌ى نزيكه‌يليشه‌ ئاشكراێ ئه‌كه‌ن.

له‌ى باوه‌ته‌و، ئاژانس سكاێ نيوز وت: ئه‌لجوبه‌ير وتگه‌: بيجگه‌ به‌حره‌ين، ئيمارات و مسريش ليستيگ شكايه‌ت ئاماده‌ ئه‌كه‌ن و ئه‌و ليستيشه‌ وه‌ى نزيكه‌يله‌ دريه‌ێده‌ ده‌س قه‌ته‌ر.

جى باسه‌، ئه‌لجوبه‌ير هه‌ميش وت: قه‌ته‌ر بايه‌سه‌ جواو خاس داواكارێ ئيمه‌ بيه‌ێد و په‌يام ئيمه‌يش راسه‌وخۆس ئه‌را ئه‌و وڵاته‌و بايه‌سه‌ دێ پشتگيرى له‌ ترۆر نه‌كاو ده‌خاڵه‌ت له‌ كاروبار ناوخوه‌يى وڵاته‌يل تر نه‌كا.