زه‌ريف: ناو كه‌نداو فارسى وه‌رجه 50 ساڵ له به‌ڵگه‌يل سعوديه بويه
شه‌فه‌ق نيوز/ محه‌مه‌د جه‌واد زه‌ريف وه‌زير خارجيه‌ى ئيران، ده‌سپيشخه‌رييگ وڵاته‌گه‌ى ئه‌را ئاشتى له ته‌نگ هورمز و ناوچه‌ى كه‌نداو خسته‌ڕوێ و جه‌خ له خواست هاوكارى هه‌يشت وڵاته‌گه كرد ئه‌را جيوه‌جيكردن ئه‌و ده‌سپيشخه‌رييه.
زه‌ريف له لێدوانيگ ئه‌را رووژنامه‌نويسه‌يل له باره‌گاى نه‌ته‌وه‌يل يه‌كگرتگ له نيويۆرك وت: گرنگى ته‌نگ هورمز ته‌نيا له‌بان لايه‌ن ستراتيجى نيه، به‌ڵكوو ده‌سپيشخه‌رى هورمز يا نه‌زريه‌ێ هاوپه‌يمانى له‌وه‌رخاتر ئه‌و ئوميده‌سه ك سه‌رۆك كۆمار ئيران پيشنيارێ كردگه ك فريه جددييه ئه‌را ئيمه.
زه‌ريف وت: ئه‌و ده‌سپيشخه‌رييه وه‌گووره‌ى ئاڵشتبوين رووێگه‌يگه له سه‌ندن ئاسايش وه‌ره‌و پشتبه‌سانن وه ملله‌ته‌يل ناوچه‌گه‌و هاريكارى ناونيان، چوينكه پشتگيرييگ ئه‌را ئارامى هه‌رێمى پيك ئه‌يه‌رێد و وه‌بى ئه‌وه‌يش دويرن له ئارامى.
جى باسه، وه‌زير خارجيه‌ى ئيران، هه‌ميش وت: بڕيگ له ده‌وڵه‌ته‌يل هه‌رێمى ك ره‌فتار مناڵه ئه‌كه‌ن ناو كه‌نداو فارسى نايه‌رنه كار، يه‌يش له‌وه‌ختيگ ك ناو كه‌نداو فارسى وه‌رجه 50 ساڵ له به‌ڵگه‌يل حكومه‌ت سعوديه هاتگه.
