شه‌فه‌ق نيوز/ حسێن ده‌هقان وه‌زير وه‌رگرى ئيرانى باس له‌وه‌ كرد ك دگان ڕيچكردن سعوديه‌ گرينگ نيه‌ وه‌لاى ملله‌ت ئيران و چاره‌نويس سه‌داميش ديارترين عبره‌ته‌ ئه‌را ده‌سڵاتداره‌يل سعودى ك بايه‌سه‌ خاس هوير له‌لى بكه‌ن.

ده‌هقان له‌ وته‌يگ وه‌ بوونه‌ى ساڵياد ئازادكردن خوه‌ڕه‌مشار له‌ ئاهه‌نگيگ له‌ ته‌هران، داوا له‌ سه‌ركرده‌يل عه‌ره‌ب كرد وه‌ مه‌يل ملله‌ته‌يليان ره‌فتار بكه‌ن و لايه‌نگرى هيزه‌يل بيگانه‌ نه‌كه‌ن و چاره‌نويس سه‌داميش ديارترين عبره‌تيگه‌ ئه‌را ده‌سڵاتداره‌يل سعوديه‌.

جى باسه‌، ده‌هقان هه‌ميش وت: هويچ وه‌ختيگ ئيران كزه‌و ناكريه‌ێد و هه‌ميشه‌ په‌يوه‌سه‌ وه‌ بنه‌مايه‌يل و ريڕه‌وه‌يل شووڕشه‌گه‌ێ و بايه‌سه‌ له‌بان سعوديه‌يش ئه‌وه‌ بزانێد ك خاكه‌گه‌ێ بويه‌سه‌ شوون جبه‌خانه‌ێ چه‌ك ئه‌مريكى، وه‌لێ يه‌يش تواناى په‌ياكردن هيز وه‌پى نايه‌ێد و دامه‌زرانن هاوپه‌يمان عه‌ره‌بى ناڕه‌سێده‌ ئاكام.