ترامپ له‌باره‌ى فيزا و سه‌ردان و موسڵمانه‌يل بڕياره‌يليگ ده‌ركرد
شه‌فه‌ق نيوز/ دوناڵد ترامپ سه‌رۆك ئه‌مريكى بڕيگ له فه‌رمانه‌يل جيوه‌جيكردن ده‌ركرد ك له‌تى قه‌يه‌غه‌ى په‌نابه‌ره‌يل و زياره‌تچيه‌يل له چه‌ن ده‌وڵه‌تيگ ئسلاميه‌و ئه‌كا وه‌ل مه‌سه‌له‌ى كاركردن وه به‌رنامه‌ى وه‌خشين له فيزا.
ترامپ وه‌شيوه‌ى گورجيگ قسه له‌بان به‌رنامه‌ى وه‌خشين له فيزا كرد، ك يه‌يش ماناى ئه‌وه‌سه ك گشت كه‌سيگ ئه‌تويه‌نێد فيزا وه‌ربگرێد ئه‌را سه‌ردان وڵاته‌يل يه‌كگرتگ و ته‌نانه‌ت ئه‌وانه‌يش ك وه‌خشياوين له فيزا و له هه‌مان وه‌خت فه‌رمانيگ جيوه‌جيكردنيش ئمزا كرد ك په‌يوه‌سه وه وسانن به‌رنامه‌ى قه‌بولكردن په‌نابه‌ره‌يل له وڵاته‌يل يه‌كگرتگ ئه‌را ماوه‌ى 4 مانگ و وه‌رگرتن په‌نابه‌ره‌يل سوورييش له وڵاته‌يل يه‌كگرتگ تا وه‌خته‌يل تر.
جى باسه، ئه‌و برياره‌يله ك له‌لايه‌ن سه‌رۆك ئه‌مريكيه‌و ده‌ركريا، قه‌يه‌غه‌كردن وه‌ختييگيش ئه‌را زياره‌تچيه‌يل له سورياو بڕيگ له ده‌وڵه‌ته‌يل تر ئسلامى ئه‌گرێده‌و، له‌وانه‌يش(يه‌مه‌ن، ليبيا، عراق، سوريا، سۆماڵ، سودان)و يه‌يش ده‌رخست ك گامه‌يله ده‌سميه‌ته ئه‌را مقه‌يه‌تيكردن ئه‌مريكيه‌يل له په‌لاماره‌يل ترۆريستى.
