شه‌فه‌ق نيوز/ دوناڵد ترامپ سه‌رۆك ئه‌مريكى، ئه‌وه‌ ده‌رخست ك وڵاته‌گه‌ى كار له‌بان دامه‌زرانن ناوچه‌يگ ئامن ئه‌كا ئه‌را په‌نابه‌ره‌يل له‌ سوريا.

ترامپ له‌ لێدوانه‌يل تايبه‌تيگ ئه‌را كه‌ناڵ "ئى بى سى" باس له‌وه‌ كرد ك ناوچه‌يگ ئامن له‌ سوريا دامه‌زرنێد ئه‌را مقه‌يه‌تيكردن له‌و كه‌سه‌يله‌ ك واينه‌ له‌ده‌س تون وتيژى.

جى باسه‌، ترامپ هه‌ميش وت: باوه‌ڕم ئه‌وه‌سه‌ ك ئۆرپا هه‌ڵه‌ى گه‌ورايگ كردگه‌ ئه‌را ئه‌وه‌گ رى وه‌و مليۆنه‌ها كه‌س په‌نابه‌ره‌ داگه‌ بانه‌و ناو ئه‌ڵمانياو چه‌ن ده‌وڵه‌تيگ تر.