شه‌فه‌ق نيوز/ ده‌سڵاته‌يل ئه‌ڵمانى باس له‌وه‌ كردن ك وه‌ دقه‌ته‌و چه‌و خشننه‌ دوسيه‌ى نزيكه‌ى 550 په‌نابه‌ر له‌وانه‌گ داواى ماف په‌نابه‌رى كردنه‌و باوه‌ڕيانيش ئه‌وه‌سه‌ ئه‌و په‌نابه‌ره‌يله‌ مه‌ترسى ديرن له‌بان ئاسايش وڵاته‌گه‌.

ئه‌ڵمانيا ئاماژه‌ وه‌ ئه‌وه‌ كرد ك ته‌ماشاى حاڵه‌ته‌يل نزيكه‌ى 550 داواكه‌ر ماف په‌نابه‌رى ئه‌كاو باوه‌ڕيشى ئه‌وه‌سه‌ ئه‌و په‌نابه‌ره‌يله‌ شايه‌ت مه‌ترسى ئاسايشى داشتوون و مه‌سه‌له‌ى ره‌فتار ئه‌نيس عامر كووچكه‌ره‌ تونسيه‌گه‌ ئه‌خاده‌ وه‌رباس ك 12 كه‌س له‌ به‌رلين كوشت.

له‌ى باوه‌تيشه‌و، توماس دى مايستيره‌ وه‌زير ناوخوه‌يى ئاگادار ئه‌ندامه‌يليگ له‌ په‌رمان ئه‌ڵمانى كرد وه‌ ئه‌وه‌گ هيزيگ ئه‌رك هاوبه‌ش و په‌يوه‌نديدار وه‌ دژ ترۆر وه‌ دقه‌ته‌و ته‌ماشاى ئه‌و دوسيه‌ى ئه‌و په‌نابه‌ره‌يله‌‌ ئه‌كا ك شماره‌يان 547 په‌نابه‌ره‌و ئاشكراس له‌لايان ك مه‌ترسى ئاسايشى ديرن و له‌وه‌ر ئه‌وه‌يش وه‌ دقه‌ته‌و نوڕنه‌ دوسيه‌يليان تا بزانن كاميان مه‌ترسيداره‌ وه‌خاتر ئه‌وه‌گ كليه‌و بكه‌ن يا ده‌سگيرى بكه‌ن.