ئه‌مريكا له‌باره‌ێ كيمياوى وشدارى دا ئه‌سه‌د
2017-06-27 06:05:00
شه‌فه‌ق نيوز/ ماڵ چه‌رمگ ئاشكراى ئه‌وه كرد ك حكومه‌ت سوورى دياره ئاماده‌س ئه‌را ئه‌نجامداين په‌لاماريگ تر وه چه‌ك كيمياوى و هه‌ر وه‌و خاتريشه وشدارى دا به‌شار ئه‌سه‌د سه‌رۆك سوورى وه ئه‌وه‌گ باج سه‌ختيگ ئه‌ياد وه خوه‌ێ و سوپاگه‌ى له حاڵه‌تيگ ئه‌گه‌ر ئيچنه په‌لاماريگ ئه‌نجام بيه‌ێد.
ماڵ چه‌رمگ له به‌ياننامه‌يگ وت: سوريا خه‌ريك خوه‌ى ئاماده‌كردنه ئه‌را په‌لاماريگ جوور په‌لاماره‌گه‌ى گوزه‌يشته وه چه‌ك كيمياوێ ك ئه‌نجامى دا له 4 ئبريل گوزه‌يشت ئه‌نجامى داو بويه هووكار كوشتن ده‌يان مه‌ده‌نى.
جى باسه، له‌لايه‌ن خوه‌ييشه‌و، نيكى هيلى باڵوێز واشنتۆن له نه‌ته‌وه‌يل يه‌كگرتگ وت: هه‌ر په‌لاماريگ ئاينده‌يى ئه‌را بان ملله‌ت سوريا نه‌ك هه‌ر مناى ئه‌سه‌د وه‌ته‌نيا، به‌ڵكوو سوريا و ئيرانيش ئه‌گريده‌و ك پشتگيرى له‌لى ئه‌كه‌ن.
