به‌ياننامه‌ی ئئتلاف مته‌حدون ئه‌را(شه‌فه‌ق نيوز)هاتگه‌و ئويشيد:‌ له‌و ده‌رسه‌يل پڕ عبره‌ته‌ ك گشت عراقيه‌يل تاقييه‌و كردنه‌ له‌ی ده‌ ساڵ دوياخره‌ ئه‌وه‌ ده‌ركه‌فيد ك هيز و خوين وه‌ ته‌نيا توانای چاره‌سه‌ر كيشه‌ نه‌يرن و هويچ خزمه‌تيگ وه‌ به‌رژه‌وه‌ندی ملله‌ت ناڕه‌سنن، ك هه‌ر له‌وه‌ر ئه‌وه‌يش وتار هه‌ڕه‌شه‌ چشتيگ نيه‌ له‌ دڵ عراقيه‌يل بيجگه‌ ئه‌وه‌ك هه‌مان يادگاريه‌يل پڕ له‌ ژان ئه‌خاده‌ هوير.

به‌ياننامه‌گه‌ يه‌يش ده‌رخست ك ئمڕوو له‌دويای چه‌ن مانگيگ له‌ فه‌رامووشكرن و بيبه‌شی هه‌قه‌يل روڵه‌ی ملله‌ته‌گه‌مان، دوينيد ك په‌يام سه‌رۆك ئه‌نجوومه‌ن وه‌زيره‌يل له‌باوه‌ت يه‌كلاكردنه‌وه‌ی خوه‌ينيشانداينه‌يل و لاوردن چادره‌يليان و نمازه‌يل جومعه‌ی يه‌كگرتگ، بويه‌سه‌ دويا نماز له‌ده‌يشت مزگفته‌يل، ك يه‌يش خزمه‌تيگه‌ ئه‌را بيلايه‌نه‌يل و ئه‌وانه‌گ هان حكوومه‌ت و هيزه‌يل سه‌ربازی ده‌ن په‌لامار خوه‌ينيشانده‌ره‌يل بيه‌ن.

جی باسه‌، دويه‌كه‌ مالكی له‌ وتاريگ وت: ئی جومعه‌ دوياجاره‌ ك له‌ مه‌يدانه‌يل خوه‌ينيشانداين له‌ پاريزگای ئه‌نبار نماز جومعه‌ بكريه‌يد.

ج . أ