كوردستان: فيشتر له ٧٠ مليۆن دۆلار ئه‌را په‌نابه‌ره‌يل سوری خه‌رج كرديمنه‌و پشتگيری ناوده‌وڵه‌تی نه‌كريايمه
له به‌ياننامه‌ی حكوومه‌ت هه‌رێم ئه‌را(شه‌فه‌ق نيوز)ئه‌وه ده‌ركه‌فت ك ديدندار زێباری نوێنه‌ر هه‌رێم و جيگر سه‌رۆك ده‌زگای په‌يوه‌نديه‌يل ده‌ره‌كی له حكوومه‌ت ئاماده‌ی دانيشتنيگ بويه له باره‌گای كومسيۆن سامی سه‌ر وه نه‌ته‌وه‌يل يه‌كگرتگ ئه‌را كاروبار په‌نابه‌ره‌يلUNHCR له شار جنێف سويسری وه‌خاتر تاوتويكردن قه‌يران سوری وه‌تايبه‌ت بار په‌نابه‌ره‌يل سوری له ده‌وڵه‌ته‌يل هاوساو هه‌رێم كوردستان.
به‌ياننامه‌گه يه‌يش ده‌رخست ك زێباری باس له خواست پشتگيری ناوده‌وڵه‌تی و پشتگيريكردن گونجياگ په‌نابه‌ره‌يل سوری كردگه له كوردستان ك شماره‌يان ره‌سيده ٩٧% جه‌م ئه‌و په‌نابه‌ره‌يله ك هاتنه‌سه ناو خاك عراق و هيمان هه‌رێم كوردستان پشتگيری ناوده‌وڵه‌تی وه‌رنه‌گرتگه‌و هه‌رێم كوردستان هه‌وه‌جه‌ی فريه‌يگ ديريد وه بودجه‌ی ته‌رخانكرياگ و تايبه‌ت وه په‌نابه‌ره‌يل.
ج . أ
