له‌به‌ياننامه‌یگ كونسوڵخانه‌گه‌ ئه‌را (شه‌فه‌ق نيوز) ئه‌وه‌ ده‌ركه‌فت ك لوقمان عه‌بدولڕه‌حيم فه‌يلی باڵيۆز عراق له‌ ولاته‌يل يه‌كگرتگ ئه‌مريكا به‌شداری له‌ئاهه‌نگ ده‌رچگن نه‌وبه‌ی يه‌كه‌م ته‌ياره‌وانه‌يل عراقی كردگه‌ له‌وانه‌ك خول مه‌شقكردن له‌بان ته‌ياره‌يل" ئێف ١٦"ی جه‌نگی وه‌ سه‌ركه‌فتن ته‌واو كردنه‌ له‌ ئه‌مريكا.

به‌ياننامه‌گه‌ يه‌يش ده‌رخست ك له‌و ڕی و ڕه‌سمه‌ شماره‌ی فره‌يگ له‌وه‌رپرسه‌يل عراقی و ئه‌مريكی ئاماده‌ بوينه‌و باڵيۆز عراق له‌تی رووشنايی خسته‌سه‌ بان بار گرژی و هه‌وه‌جه‌ی عراق ئه‌را ئی جووره‌ به‌هره‌يليگ له‌ روڵه‌يلی وه‌خاتر به‌شداريكردن له‌ ئه‌رك بنياتناين و مقه‌يه‌تيكردن نيشتمان و ملله‌ته‌گه‌ی.

ج . أ