وه‌ گووره‌ی به‌ياننامه‌يگ ئه‌را (شه‌فه‌ق نيوز)، سه‌عدی له‌شوون ديداری وه‌ل باڵيۆز بريتانی له‌عراق باس له‌ مه‌ترسيه‌يل خراوبوين بار سياسی و ئاسايش و ئابووری كردگه‌ وه‌ ئه‌وه‌ك كاريگه‌ری پڕ مه‌ويسی و خراوی نه‌يده‌ بان ژيان ملله‌ت.

سه‌عدی له‌و ديداره‌ ئه‌را باڵيۆز بريتانی وت: ئی داواكاريه‌يله‌ داواكاری مه‌ردمی و خوه‌ينيشانده‌ره‌يله‌ ك عراق به‌شه‌به‌شه‌و نه‌كريه‌يد و ده‌ستووريش ئاڵشت بكريه‌يد و پرۆسه‌ی سياسی ئيسه‌يش لاوريه‌يد و له‌هه‌مان وه‌خت سه‌رشماری مه‌ردمييش ئه‌نجام بدريه‌يد وه‌گووره‌ی په‌يمانه‌سازی ناوده‌وڵه‌تی وه‌ل ئه‌نجامداين هه‌ڵووژاردن پاك و دوير به‌شبه‌شايه‌تی و حزبيگه‌ری و بيجگه‌ ئه‌وه‌يش سوپايگ عراق دامه‌زريه‌يد دوير له‌ ئنتمای حزبی و تايفی.

ج . أ