فالح عيساوی جيگر سه‌رۆك ئه‌نجوومه‌ن پاريزگای ئه‌نبار ئه‌را(شه‌فه‌ق نيوز)وت: جاده‌ی ئه‌نبار فريه‌ گرژه‌و بويه‌و ره‌سيه‌سه‌ راده‌يگ كۆنترۆڵ له‌تی له‌ده‌س درياگه‌.

عيساوی هه‌ميش وت: مه‌يدان خوه‌ينيشانداين بشيويه‌يد يا بمينيد و يا په‌لامارداين ماڵ عه‌لوانی، بار ئه‌وسا له‌ئيسه‌ ئارامتر بويه‌، چوينكه‌ په‌لامارداين ماڵيگ له‌ پاريزگايگ هووزايه‌تی و ماڵ نوێنه‌ريگ خاوه‌ن حسانه‌ وه‌ی جووره‌ ئاسان نيه‌، ك هه‌ر وه‌و خاتريشه‌ دانيشتنيگ له‌ناكاو ساز كرياگه‌.

جی باسه‌، وه‌گووره‌ی سه‌رچه‌وه‌يگ حكوومی ك نه‌تواس ناوی ئاشكرا بوود، ئه‌را(شه‌فه‌ق نيوز)وت: ئمڕوو نزيكه‌ی ٦٠ ده‌بابه‌ له‌ به‌غداوه‌ روی كرده‌سه‌ ده‌وروه‌ر رومادی.

ج . أ