له‌ به‌ياننامه‌ی حكوومه‌ت هه‌رێم ئه‌را(شه‌فه‌ق نيوز)ئه‌وه‌ ده‌ركه‌فت ك دڵشاد شه‌هاب وه‌زير شاره‌وانيه‌يل و گه‌شتياری له‌ حكوومه‌ت كوردستان ئاشكرای كردگه‌ ك بارزانی ليژنه‌يگ ئداری راسپاردگه‌ ئه‌را چه‌وديركردن بار ناحيه‌ی سه‌ی سايه‌ق و جيوه‌جيكردن خواست خوه‌ينيشانده‌ره‌يلی.

شه‌هاب له‌و به‌ياننامه‌ يه‌يش ده‌رخستگه‌ ك سه‌رۆك حكوومه‌ت هه‌رێم نگه‌رانه‌ له‌ بار ئه‌و شاره‌و هه‌ر وه‌و خاتريشه‌ خوازيار چه‌وديری و چاره‌سه‌ر بويه‌و خوازيار ئارامه‌وكردن بار ئاسايشی بويه‌ له‌ مه‌رز ناوچه‌گه‌ وه‌ زويترين وه‌خت.

جی باسه‌، رووژه‌يل په‌نجشه‌ممه‌و جومعه‌ی گوزه‌يشت سه‌دان كه‌س له‌ شار سه‌ی سايه‌ق ده‌س كردنه‌ خوه‌ينيشانداين له‌ ئاكام خراوی خزمه‌تگوزاری و په‌ره‌سه‌ندن گه‌ناته‌كاری دارايی و ئداری و له‌و خوه‌ينيشانداينيشه‌ جايه‌ڵ جوانيگ كوشياو ده‌يه‌ها كه‌سيش زه‌خمدار بوين دويای ئه‌وه‌ك باڵه‌خانه‌ی قايمقاميه‌ی شاره‌گه‌ دانه‌ وه‌ر كوچگ.

ج . أ