" رێوار "
2010-11-23 11:30:34
مانگ و ئاساره، نیشته‌جاو رێوار
خڕ خوه‌یم ئه‌ڵ ده‌ور یه‌ێ خوه‌ر نازار
ئه‌گه‌ر ده‌لیاسه ، ئه‌گه‌ر ساراچیم
ئه ر ژه م پرسن ئه‌ڕا یه‌ێجا چیم
گێشتێ ونجیمن یه‌ێ ئاو زڵاڵ
وه كویزه و كونه، وه جام و قه‌پاڵ
رشن ده نام ده‌ڵیاێ بێ بنێ
گڵاڵ پاك و لاو لێخنێ
چ كووشته‌ێ شمشاڵ، چ كووشته‌ێ شمشێر
ژه یه‌ێ كیه‌نى خوه‌ن هه‌م ئاهوو هه‌م شێر
كتاو خوه‌ن دوینى، گیژه ده نوونێ
شه‌راو خوه‌ر نووڕى ، شێته ده شوونێ
هه ر كه ویر دڵ، فام سه‌ر دێرێ
ماڵ هه یه‌كێگه ئه‌ر دو ده‌ر دێرێ
پا ده زه‌نجیریم ، سه‌ر وه داره‌وه
گێشتێ گیرووده‌ێ زڵف یاره‌وه
گێشتێ ره وه‌نى ماڵ دووسیمن
گێشتێ ته‌واف چى خاڵ دووسیمن
په‌ڕِ یه‌ێ دامان گرتیمه وه ده‌س
چ شێخ و چ شا، چ ویرا چ مه‌س
شه‌و تا سوو بویشیم هه‌ر سوو تا شه‌وار
دووس و دووس و دووس ، یار و یار ویار
