ئەوپەڕ ئومید

یە بزانێد

ئەوە بزانێد

زانستن باراسیاویگە

(ئەلمریە) بی خوەرە

لەلامەو گرنگ نیە ئەگەر مرد

خەنینەیلیگ هەس

ئاسمان هەڵپڕکنێد

.....

ئمڕوو لە نوادان دیار دەێد

لە پێناو ئیوە

لە جهان مەرگەو تیەێد

تا قسە ئەرا زنیەیل بکەێد

ئەگەر لەخوەدانەو ئیوە زنیین

دڵیگ ک دڵداری نیەزانێد

دڵ ئایمیگ زنی نیە

دەروین لە گیان گیایگ کرمترە

ئەگەر دڵی نەکوتیگ وەیاد دوسیگ

....

ئایا گوڵ نیتوینێد شیلەی خوەی بیەێد

 وە زیاتر لە یەک هەنگە؟

مەگەر سروشت خوەشی لە گشت چشتەگان نیەتێد

.......

لە دەیان سەدە من مردمە

ولەمردنەگەمەو

جاروەجار تامەشای دونیادان کەم

رەفتاردان، دڵنگەیلدان

خەفەتەیڵدان، ئەنجامەیلدان

ولەراسیەگەی

هویچ لەوانە لام گرنگ نیە

دڵم ئەرا ئەوە

تەنیا ئەرا ئەو

باڵەیل گیانم جویلیەن

هوکارە بویم جوورئیوە قسە بکەم

جوور ئیوە قەسەم بخوەم

تەنانەت دوس بتوام جوور ئیوە

گشت کردەوەگان دوسی

لای من گرنگە

......

نیسان و ئایار

وەردەوامن

دلنگەیلم ئەو روژە خویسیان

چوینکە دوسەگەم لە زیندان وای

لە وەختیگ فریشتەگەم وە خەفەتباری چەوەڕی کەێد

.....

ئەو دویەتەیلە

نزیک خوەیان ئەرا فریشتەگەم کەن

پێشکەشەیل بوو خوەش ئەرای ئامادە کەن

نوشەیلیگ لە خەو

وەلی هەستەیل فریشتەگەم

تەنیا مینەی خوەم کەن

......

تیخەکەیل ئاوایەگە بەرزن

ئی دوس

داوەزین ورەو ئیلا ئاسان نیە

بەڵکم من یارمەتید دەم

چە وەدەرد هاوکاری بخوەێد دەمەپید

وەی جوورە هویرەو کردیام لەوەختیگ گووش گردیام

و یادەیل ئایندەیگ

هەر نەهاتیەسە دی

ئایا ئی دوس

من شکەنجەدار نەویم

مناڵەیل ( ئیلمریە)  بازی ترسناکیگ کەن

وەجامیگ گڵکاری

داڵگەیل قیژنن

نەگ ئاوەگە بڕشێد

ئایا ئی دوس

من ئەوە نەویم ک دوسەگەی ئی جهانە رزگار کرد

دویای ئەوە ک نیشتەجی خوەسەی زندان بوی؟

.....

ئەوپەڕ ئومید

یە بزانێد

بیجگە یەیەش بزانید

ئۆفید بزانید

سافۆ بزانید

بزانێد ک دوسی کویلەی هەستەگان کەێد

بەڵکم خوەی هەمیش زانێد

ک بایەسە هەوڵ نەیەێد ئاو رووبارەگە بوسنێد

چوینکە مەهاڵە

.....

زانستن باراسیاویگە

و ئەوپەڕی ئومید هێشتەی دانا بوود

بەراسیاویگ

هێزیگ شاعیرانە لەیلا داوەپی

ئیلا ک جویلەگان کپەوبوون

ئیلا و ئیسە

ک گشت چشتیگ هەمیشەییە

.....

لام گرنگ نیە ک مرد

لام گرنگ نیە ک بگیرم

یا بمرم لە خوسە

دوسیمان ئەوزەڵ بوی

گردەوبوی، بڵاوە بوی

زانم ئەوسا قسە لەباوەتمان کەن

دویای تەواوبوین سەدها ساڵ

زانم ک وەئاشکرا ناوم تیەرن

جوور پەردەیگ پان

دویرەو خریایە وپلگیایە

پڕ ژوورەگە لە روشنایی کەێد

رەنەگان زاقترەو بوون

جوور گشتجاریگ

ماچەیلمان گورانی چڕن

لە خوەشی ک هایمنە یەکەو

هەردوگمان وەل یەکەو

.....

توینید تەماشای ئاسمانەیل بکەێد

لەشوین یەک، ئاسمان دویای ئاسمان

وەپای پەتیمان

هەمیشە ئاهەنگ کەیمن

ک یەکتری ناسیمن

توینێد تەماشای هەڵاتبوین خوەر بکەێد

وئاوابوینی هەمیشە

هەرچوینی خوازێد

چگن بڕەیل کەموتەر

وهاتنەوەیان

تویەنێد تەماشای رووبارە تافەگان بکەێد

یا وەبی ئاویەگەیان

لەوەختیگ دویاترین ماسی

یەکەمین هەناسەی وەشنێد

وەرەو بەهەێشت

خوەد و خوەم هەمیشە ئاهەنگ کەیمن

ک پەیا بویمنە

و ئەوەسا خەنیمن

لە نەهامەتیمان

.....

ئەوپەڕ ئومید ژنیگ ئازادە

و پیاویگ ئازاد

خوازێد بوودە دوسەگەی

.....

وەختا فەرزەن فەرزەنەیل

لەبان زەوی

گرنگی دەنە

وەباوش کردنمان

ئەو روژە

جوور ئیمە دڵداری کەن.

 

سیرخیۆ ئەربولیدا /ئیسپانیا